algaedata.uz

O'zbekiston va Markaziy Osiyo algoflorasi

Suv o'tlari va mikrosuvo'tlar xilma-xilligi, tarqalishi va ekologik xususiyatlari bo'yicha qidiriladigan ilmiy katalog. Hozirgi bosqichda Norin daryosi havzasi quyi oqimidagi dala tadqiqotlari ma'lumotlari kiritilgan — har bir tur uchun morfologik tavsif, ekologik xususiyatlar va GPS bilan qayd etilgan uchrash nuqtalari.

0TUR QAYD ETILGAN
0OILA
0BO'LIM
0GPS NUQTASI

Ma'lumotlar qanday to'plangan

01

Dala namunalari yig'ildi

O'zbekiston va Markaziy Osiyoning turli daryo, kanal, ko'l, suv omborlari va boshqa suv ekotizimlaridan vegetatsiya davrining turli mavsumlarida mikrosuvo't namunalari yig'ildi. Namuna olish jarayonida plankton, bentos va perifiton jamoalariga mansub organizmlar qamrab olindi. Har bir namuna uchun geografik koordinatalar (GPS), namuna olingan sana, suv havzasi va ekologik sharoitlar qayd etilib, namunalar keyingi laboratoriya tadqiqotlari uchun tegishli tartibda saqlandi.

02

Turlar identifikatsiyasi amalga oshirildi

Yig'ilgan namunalar laboratoriya sharoitida mikroskopik va molekulyar-genetik usullar asosida tadqiq qilindi. Mikrosuvo'tlarning morfologik va anatomik belgilari zamonaviy taksonomik mezonlar, xalqaro aniqlagichlar va ilmiy adabiyotlar asosida tahlil qilindi. Zarur hollarda turlarni aniq tasdiqlash va ularning filogenetik munosabatlarini baholash uchun DNK markerlari asosidagi molekulyar-genetik tahlillar qo'llanildi. Aniqlangan turlarning mikroskopik tasvirlari va tegishli ilmiy ma'lumotlari raqamli shaklda qayd etildi.

03

Raqamli katalogga kiritildi

Identifikatsiyadan o'tgan turlar haqidagi taksonomik, morfologik, ekologik, geografik va fotografik ma'lumotlar yagona raqamli katalogga tizimli ravishda kiritildi. Har bir tur uning uchrash joyi va geografik koordinatalari bilan bog'landi hamda tegishli ilmiy manbalar asosida hujjatlashtirildi. Shakllantirilgan ma'lumotlar bazasi turlarni qidirish, geografik xaritalash, taqqoslash, ekologik tahlil qilish va monitoring olib borish imkonini beradi.

Namunalar

Haqiqiy mikroskop rasmi biriktirilgan turlardan bir nechtasi.

Platformani o'rganing

algaedata.uz bo'limlari orqali turlar katalogini, loyiha maqsadini, jamoani va so'nggi yangiliklarni ko'rib chiqing.

So'nggi yangilik

07NOY 2025
O'zbekistonda fanga noma'lum bo'lgan yangi suv o'ti turi kashf etildi — Klebsormidium mirabile
Farg'ona vodiysi tuprog'idan olingan namunalar asosida tasvirlangan yangi tur haqida — batafsil →